Taliye Ku-Xigeenkii Booliska Gobolka Banaadir Oo U Geeriyooday Dhaawacii Soo Gaaray

0
57
0 0
Read Time:47 Second

Taliye ku-xigeenkii qeybta guud ee Booliska Gobolka Banaadir Gaashaanle Sare Axmed Cabdi Wehliye ayaa u geeriyooday dhaawac Culus oo kasoo gaaray qaraxii dhawaan lagu weeraray Saldhiga Booliska degmada Waaberi ee Gobolka Banaadir.

Taliye Axmed Wehliye ayaa maalmihii lasoo dhaafay xaaladiisa Caafimaad lagula tacaalayay Isbitaalka Digfeer ee Magaalada Muqdisho, balse Caawa ayaa la xaqiijiyay inuu Taliye ku-xigeenka u geeriyooday dhaawicii soo gaaray.

Geerida Axmed Cabdi Wehliye ayaa waxaa ka tacsiyeeyay Taliska Ciidanka Booliska dowladda Federaalka, Wasiirka Arrimaha gudaha Xukuumadda xilgaarsiinta Jeneraal Mukhtaar Xuseen Arfax iyo Mas’uuliyiin kale.

Qaraxii Is-miidaaminta ahaa ee lagu weeraray Saldhiga Booliska Waaberi ayaa waxaa lagu dilay Taliyihii Booliska degmadaas Axmed Cabdullaahi Baashane, Taliye ku-xigeenkii qeybta weliyow Cadde G/Dhexe Cabdi Baasid Maxamuud, Askar Boolis iyo dad shacab ahaa.

Al-shabaab ayaa sheegtay Mas’uuliyada qaraxaas Is-miidaaminta ahaa ee ka dhacay Magaalada Muqdisho, isla markaana sheegay inay beegsadeen Saraakiil Ciidan oo ku sugneyd Saldhiga Booliska degmada Waaberi ee Gobolka.

About Post Author

A.Hussein

Weheliye Online // Isha Wararka Sugan
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %