La taliyaha Ra’iisul Wasaaraha oo loo magacaabay Cabdiraxmaan Baadiyow

Wareegto kasoo baxday Xafiiska Ra’iisul wasaaraha Xukuumadda Federaalka Soomaaliya ayaa DR Cabduraxmaan Cabdulaahi Macalin Baadiyow loogu magacaabay La-Taliyaha sare R/wasaaraha ee Arrimaha Nabadeynta iyo Dib u heshiisiinta.

Wareegtadan ayaa lagu sheegay sababta loogu magacaabay La taliyaha Cabdiraxmaan Baadiyow inay tahay markuu tixgaliyay baahida loo qabo in la magacaabo La-taliye sare oo Khibrad u leh Arrimaha Nabadeynta iyo Dib u heshiisiinta, markuu arkay Qodobada

Dastuurka ee kala ah Qodobka 99-aad (A) (D) iyo Qodobka 100-aad (A) (D) ee Dastuurka Jamhuuriyadda Federaalka Soomaaliya.

Marku arkay Taariikh Nololeedka (CV), Kartida, Aqoonta iyo Waaya arragnimada Mudane DR Cabduraxmaan Cabdulaahi Macalin Baadiyow wuxuu u magacaabay Magacaabay La-Taliyaha sare R/wasaaraha ee Arrimaha Nabadeynta iyo Dib u heshiisiinta.

Mudane DR Cabduraxmaan Cabdulaahi Macalin Baadiyow ayaa ka mid ah Aqoonyahanada Soomaaliyeed ee doorka weyn kasoo qaatay Dib u heshiisiinta, Horumarinta Waxbarashada iyo Bulshada intii dalka uu ku jiray Burburka.

About A.Hussein 1134 Articles
Weheliye Online // Isha Wararka Sugan